0係呢個0靚模熱潮底下, 好多人去書展, 而我今年都有去, 因為我年年都有免費飛啦..

其實我好鐘意睇書, 記得以前唔洗番工, 一定去圖書館借書, 一日可以睇到一本衛斯理, 因為我係會追書睇, 但依家番左工之後, 已經好小好小睇書, 所以依家0的錯別字同埋寫blog時都要唸一陣先寫得出啦...

今年我入場係為左森美, 本人好鐘意呢位人兄, 知道佢出左本書, 又有免費飛咪入去行下囉, 去到灣仔落船已經見到長長0既人龍, 好彩0個時係夜晚, 雖然熱, 不過都接受到, 雖然長人龍, 但唔夠15分鐘, 我已經入到會場, 初初以為好多人, 點知入到會場又唔係覺得好多人, 可能今年個會場大左, 0的通道又闊左, 我狂風掃落葉咁買左0的書, 我以為自己好醒, 帶背包去行就冇有怕啦, 點知行下行下, 嘩, 真係重到想死...

所以後尾晶佬放工問我洗唔洗黎接我, 本來我唸住叫佢番屋企, 因為冇理由叫佢由九龍走黎灣仔, 再番去九龍架嘛, 但又重又倦底下, 我都係由得晶佬黎接我, 好彩一落到會展樓下就有巴士, 如果唔係唔該搵輪椅推我好過啦...

而星期日我就去左廸士尼, 其實夏天呢, 我好怕去海洋公園呀, 廸士尼呢0的地方, 因為我實在太怕太怕熱了, 最緊要係怕中暑啦, 我咁巨大0既身型咁樣比太陽乾煎真係好辛苦, 不過因為我朋友鐘意史廸仔, 而廸士尼依家又整左個史廸仔夏天巡禮, 所以咪陪佢入去囉...

其實0個日都有落大雨, 落完雨好小小啦, 起碼冇咁熱嘛, 但都係熱, 不過一大班人去玩都幾開心, 0個日我仲第一次玩space mountain, 基本上我唸我都有十年冇玩刺激0既機動遊戲, 人大左, 膽又細左, 而且體重越黎越重, 更加唔夠膽玩, 不過我有個朋友又係唔咁玩, 所以我咪陪我呢個朋友玩一次囉, 要驚一齊驚嘛, 點知其實都唔驚, 因為其實我唔係怕離心力, 我係畏高, (所以我死都唔會坐昂平360, 水晶0個隻一定嚇死我), 入到去黑媽媽, 睇唔到有幾高, 所以反而覺得好好玩, 但我朋友就嚇到面青青啦...

大家睇我0的相都可能發現, 由我舊年因為頭暈而瘦左0個廿幾三十磅, 用左一年時間, 已經回流番入我身體裡面...嗨, 點解可以咁肥...想死...